د فلسطین د طبي مرستو ادارې مشر، بسام زقوت خبرداری ورکړی، چې په غزه کې روغتیايي وضعیت بېساري خراب شوی او هره اونۍ د چیچک (Chickenpox) شاوخوا ۵ زره پېښې ثبتېږي، ترڅنګ یې د نري رنځ ناروغي هم خپره شوې ده.
د نوموړي په وینا، د بېځایه شویو خلکو ترمنځ د واکسینونو کمښت، د معافیتي ځواک کمزورتیا او د روغتیايي زیربناوو ویجاړېدل د ناروغیو د چټک خپرېدو اصلي لاملونه دي.
هغه ټینګار کړی، چې که بېړنۍ روغتیايي مرستې ونه رسېږي، غزه د ساري ناروغیو له پراخ ناورین سره مخ کېدای شي.