په کابل کې د ایران سفارت مرستیال سید حسن مرتضوي ویلي، چې ايران د اسلامي امارت له هېڅ یوې مخالفې ډلې یا جریان څخه ملاتړ نه کوي او د هغوی وسلهوال فعالیتونه «مقاومت» نه ګڼي.
مرتضوي په یوه غونډه کې ویلي، چې ایران هغه څه چې په غزه، لبنان او د امریکا پر وړاندې ترسره کېږي، «مقاومت» بولي، خو د اسلامي امارت پر ضد د مخالفو ډلو جګړه د «مسلمان ورور پر وړاندې مقاومت» ګڼي.
هغه همداراز ويلي، چې اوسمهال په افغانستان کې اسلامي نظام دی او د اسلامي امارت مخالفین باید خپل اختلافات له دې حکومت سره د خبرو اترو له لارې حل کړي.