د کورنيو چارو وزارت وياند مفتي عبدالمتين قانع وايي، د ياد وزارت د رهبرۍ په غونډه کې پرېکړه وشوه چې د سرپرست حکومت د مشرتابه او د دې وزارت د وزير خليفه سراج الدين حقاني د منظورۍ له مخې به تر دې وروسته د کورنيو چارو وزارت ټول نظامي منسوبين او مسؤلين له ټاکل شوي يونيفورم څخه ګټه اخلي.
د ښاغلي قانع په خبره، د کورنیو چارو وزارت اساسي دندې، د امنیت نیول، د قانون ټینګښت او له جرمونو سره مبارزه ده او دا کار به د پولیسو په پیژندګلوي اسانتيا رامنځته کړي.