د اې بي سي نیوز د راپور له مخې، د امریکا د بهرنیو چارو وزیر مارکو روبیو د سویډن په هلسینګبورګ ښار کې د ناټو د بهرنیو چارو د وزیرانو په غونډه کې ويلي، دی هیله لري چې د هرمز تنګي په پرانيستلو او امنیت کې د ناټو د غړو هیوادونو لوړه کچه ونډه او ښکېلتیا ترلاسه کړي.
سرچينې ويلي، روبیو څرګنده کړې چې ولسمشر ډونالډ ټرمپ د ایران پر وړاندې د امریکا د بریدونو په غبرګون کې د ناټو د اتحاد پر دریځ مایوسه شوی دی او د دې موضوع نور پاتې بحثونه یې د ناټو د هیوادونو مشرانو ته پرېښي دي.
د دې ګیلې سره سره، د امریکا د بهرنیو چارو وزیر هیله ښودلې چې د ناټو غړو هیوادونو او د دوی د متحدینو ترمنځ د همکاریو لپاره نورې نوې ساحې او لارې ومومي.