د بلخ ولایت آمنیه قومندانۍ مطبوعاتي دفتر په یوه خبرپاڼه کې ویلي، چې د یاد ولایت په مرکز مزارشریف ښار او ولسوالیو کې د راټول شویو سوالګرو له ډلې ۳۱۴ تنه مستحق کسان تر هر اړخیزې ارزونې وروسته له خوراکي او حفظالصحي توکو برخمن شول.
خبرپاڼه زیاتوي، چې د بلخ امنیه قوماندانۍ د نشهيي توکو پر وړاندې د مبارزې مدیریت او په دې برخه کې د جوړې شوې کمېټې له لوري، دغو کسانو ته یوه بوجۍ اوړه، غوړي، وریجې، لوبیا، ماش، مکروني، بوره، رُب، وچ چای، شامپو، صابون او د لوښو مینځلو مایع وېشل شوي دي.
مسوولین وایي، د زیانمنو او بېوزلو کسانو د ژوند د وضعیت د ښه والي په موخه به د مرستو دغه بهیر په راتلونکي کې هم دوام ولري.