د ترکیې بهرنیو چارو وزارت په یوه اعلامیه کې د ترکیې پر ولسمشر رجب طیب اردوغان د اسرائیلو وروستي تورونه «تهمت او دروغ» بللي او ویلي یې دي، چې د بنیامین نتنیاهو حکومت په غزه کې د نسلوژنې او د سیمې د بېثباته کولو له امله د سیمهییزو او نړیوالو کړکېچونو اصلي عامل دی.
د ترکیې بهرنیو چارو وزارت ویلي، هغه تورونه چې اسرائیلو پر اردوغان لګولي، د «بزدلانه او فاسد ذهنیت» څرګندونه کوي او د اسرائیلو تبلیغاتي هڅې نور نړیواله ټولنه نه شي قانع کولای.
انقرې زیاته کړې، چې د اسرائیلو د چارواکو هغه حقوقي او سیاسي مصونیتونه چې تر دې وړاندې ترې برخمن وو، نور د منلو وړ نه دي او ترکیه به د غزې د جګړې او سیمهییزو کړکېچونو په اړه د حقیقت دفاع ته دوام ورکړي.
د ترکیې ولسمشر رجب طیب اردوغان هم مخکې ویلي وو، چې اسرائیل په جګړهاچونه روږدی دی او د خپلو ګاونډیانو له لارې د ټولې سیمې د بېثباته کولو هڅه کوي.
بلخوا، د اسرائیلو لومړي وزیر بنیامین نتنیاهو ادعا کړې چې دی به په سوریه کې د ترکیې د نفوذ د پراخېدو مخه ونیسي.