د معیار او کیفیت ادارې په یوه خبرپاڼه کې ویلي، چې د یادې ادارې او د ازبکستان د تخنیکي مقرراتو ادارې ترمنځ په ترمز کې د تخنیکي همکاریو، د سوداګرۍ د اسانتیاوو او د تخنیکي خنډونو د لرې کولو په اړه دوهاړخیزه ناسته ترسره شوې.
خبرپاڼه زیاتوي، چې د دواړو لورو ترمنځ د کورنیو معیارونو له نړیوالو معیارونو سره د همغږۍ، د لابراتوارونو د پراختیا او د تخنیکي همکاریو د هوکړهلیک د وروستي کولو په اړه بحث شوی دی.
دواړو لورو د کانونو، انرژۍ، روغتیا او تولیدي سکتورونو لپاره د اندازهګیرۍ سیسټمونو د پیاوړتیا او افغانستان ته د ګرځنده اندازهګیرۍ خدمتونو د رامنځته کولو پر اړتیا ټینګار کړی.
د ازبکستان د تخنیکي مقرراتو ادارې د افغان متخصصینو د ظرفیت لوړولو لپاره د تخنیکي مقرراتو او اندازهګیرۍ په برخو کې د روزنیزو سیمینارونو د جوړولو چمتووالی هم ښودلی.