د پېښو پر وړاندې د مبارزې آمادګۍ اداره خبرداری ورکړی، چې د وږي له ۶مې تر ۱۱مې نېټې پورې د افغانستان په ځینو سیمو کې د تودوخې کچه له نورمال څخه لوړېږي او په شمالي او سوېلختیځو ولایتونو کې د ګرمې هوا څپه ښايي درې یا له هغې ډېرې پرلهپسې ورځې دوام وکړي.
د ادارې د اوونیزې وړاندوینې له مخې، په هېواد کې به د نورمال حالت په پرتله کم ورښت غالب وي او د ځمکې د سطحې منځنۍ تودوخه به لوړه وي؛ په ځینو سیمو کې به اعظمي تودوخه له ۳۰ تر ۴۰ سانتيګراډ پورې ورسېږي.
اداره وایي، د تېرو ۳۰ ورځو په جریان کې د هېواد په ډېرو سیمو کې د فصل له نورمال سره سم ورښت شوی او د غیر عادي وچکالۍ وضعیت په ټوله کې له منځه تللی دی.