تسنیم خبري اژانس راپور ورکړی، چې د ایران د بهرنیو چارو وزیر سید عباس عراقچي ويلي، له امریکا سره د ډیپلوماسۍ مسیر ته بېرته ستنېدل ناممکن نه دي، خو د دې لپاره واشنګټن باید یو ساده حقیقت درک کړي، چې فشار نتیجه نه ورکوي.
عراقچي د قطر د لومړي وزیر او بهرنیو چارو وزیر سره تر لیدنې وروسته ویلي، د تهران او دوحې ترمنځ خبرې «رغنده او ابتکاري» وې.
نوموړي ټینګار کړی، چې د دیپلوماسۍ د بیا فعالېدو لپاره امریکا باید د باور جوړولو لپاره ګامونه واخلي، په درناوي خبرې وکړي، د ایران حقوق په رسمیت وپېژني او خپلو ژمنو ته ژمن پاتې شي.