د افغان حکومت وياند مولوي ذبيح الله مجاهد پاکستان سره د افغانستان د وروستي کړکېچ اړوند رسنيز کنفرانس ته ويلي، چې د ګاونډي پاکستان په پوځ حاکمې کړۍ ته د افغانستان وروستي سياسي او اقتصادي پرمختګونه خوند نه ورکوي او له همدې امله شخړو او ستونزو جوړولو ته لاس اچوي.
ښاغلي مجاهد ويلي، د پاکستان پوځ له تېرو څلور کلونو راهیسې د سيمې د امنيت او ثبات پر ځای ستونزو جوړولو ته کار ويلی او په خبره یې د پاکستان دننه یې د افغان ضد کړیو او مخالفينو ته ځای ورکړی دی.
ښاغلي مجاهد، مقاومت جبهې او نورو ډلو ټپلو ته د پاکستان د استخباراتي ادارو پروژو ورکولو او ناستو جوړولو ته په اشارې ويلي، چې دا کار جدي عواقب له ځانه سره لرلی شي.