ايراني رسنيو د ایران د تایباد څارنوال حجت صدیقي له قوله ویلي، چې ۴۰۸ افغان بندیان د دوغارون پولې له لارې افغانستان ته لېږدول شوي دي.
نوموړي ویلي، دغه بندیان د ایران په ۸ ولایتونو کې نیول شوي وو او ډېری یې د نشهیي توکو اړوند قضیو په تړاو بندیان وو.
د هغه په وینا، یاد کسان د ایران او افغانستان ترمنځ د بندیانو د لېږد د ۱۱م پړاو په ترڅ کې د افغان چارواکو په حضور کې وسپارل شول.
هغه زیاته کړې، چې د بندیانو د لېږد په همدې بهیر کې درې ایراني وګړي هم له افغانستان څخه ایران ته ستانه شوي دي.