د روسي رسنيو د راپورونو له مخې د روسیې ملي امنیت ادارې ویلي، چې پرون جمعه یې په مسکو کې د دغه هېواد د کورنيو چارو وزارت ودانۍ ته نږدې د داعش خراسان څانګې له خوا د ترهګریز برید مخه نیولې.
د روسیې د ملي امنيت ادارې د معلوماتو له مخې ګمان کېږي چې د داعش ډلې دا کسان د منځنۍ اسیا وو او په پاکستان کې د يادې ډلې په مرکزونو کې روزل شوي وو چې د روسي پوليسو سره له مقاومت وروسته وژل شوي.
په خپرو شويو راپورونو کې راغلي چې له يادو کسانو سره يو په يوه موټر کې چاوديدونکي توکي، توفنچې، او چړې وې.
