ټاس خبري اژانس د روسیې د دفاع وزارت له قوله خبر ورکړی، چې د یاد هېواد هوايي دفاعي سیسټمونو تېره شپه د روسیې په بېلابېلو سیمو کې د اوکراین ۳۴۲ بېپیلوټه الوتکې (ډرون) کشف او له منځه وړي دي.
د ټاس خبري اژانس د راپور له مخې، د مسکو ښار ته څېرمه د اسټرا سیمې په پیونرسکي کلي کې د یوه ډرون د لوېدو له امله درې کسان وژل شوي او درې نور ټپیان شوي دي.
راپور زیاتوي چې د سولنیچنوګورسک په سیمه کې هم یو ډرون د استوګنې پر یوه ودانۍ لګېدلی، چې له امله یې دوه کسان ټپیان شوي دي.
د روسیې دفاع وزارت تر اوسه د دغو ادعاوو په اړه نور جزئیات نه دي ورکړي او اوکراین لوري هم په دې اړه رسمي څرګندونه نه ده کړې.