د افغانستان په خاوره له تېرو څلورو لسیزو یو طوفان ته ورته سخت حالت تېر شو، چې پکې ډېرې ککرۍ ونړېدې، ډېرې میندې بورې، ډېرې خویندې کونډې او ډېرې لورګانې بې پلاره شوې؛ خو د دې ټولو عاملین څوک وو چې دومره بربادۍ او ناخوالې یې دې ارامې سیمې او ځمکې ته راوړې!
د تاریخ پاڼې مو واړولې، د دې ټولو بربادیو عاملین د شر او فساد ډله را ووتله؛ دوی د خپل هوس پاللو لپاره هیڅ ارزښت ته نه دي کتلي، دوی د افغانیت او اسلامیت ټول اصول مات کړي او یواځې یې خپلې نامشروع ګټې د نورو هېوادوالو په ککریو شیندلو پوره کړي او بس!
په افغانستان د طالبانو د بیا حاکمیدو سره سم د شر او فساد ډله په مستقیم ډول د جګړې میدان ته ورښکته شوه او د تجزیې هغه پخوانی فکر یې په کار واچوه، چې د خپل تېر پلورل شوي مشر احمدشاه مسعود څخه په میراث ورپاتې وو، خو سره د دې ټولو هڅو له ناکامۍ سره مخ شول او د پنجشیر له غارو او درې د خپل بادار غېږو ته په منډو ورسېدل.
خو بیا هم په کرار نه شول، هلته یې بیا د خپل شیطاني فکر او عمل لار انتخاب کړه او د خیالي جبهو په نومونو يې فعالیت شروع کړ، د وطن په غېږ پراته ځیني احساساتي ځوانان یې په درواغجنو تبلیغاتو له خپلې لارې منحرف کړل، چې بیرته یې د خپلو ګټو د خوندي کولو لپاره د مرګ تر ژامو ورسول؛ څوک یې د پاکستان لمنې ته ور واچول او څوک یې د تاجکستان د وربوز لاندې نیم ژواندي حالت کې ونښلول.
پاکستان یې د بلوچستان په ایالات کې د داعش په نوم روزنه کوي او تاجکستان یې د شر او فساد د هغو وګړو په څېر پالنه کوي چې د الله تعالی په دې ودانه نړۍ کې د شیطانت لار تعقیبوي.
په خارج کې د شر او فساد میشتې ډلې د خپلو جیبونو د ډکولو لپاره له غربي هېوادونو په یو او بل نومونو پیسې شکوي، چې اوس یې په هماغو پیسو خپل منځي لانجې او کړکیچ اوج ته رسېدلی دی.
تازه د شر او فساد د مقاومت د خیالي ډلې نږدې او مخکښ غړي نصرت اقبال د دوی هغه اسناد افشاء کړي، چې د حکومت له لورې نیول/وژل کېږي؛ خو دا د دې لامل داسې ښیي چې ګواکې د دوی سره د پیسو پر سر لانجې کېږي، چې له امله یې حکومت بریالی کېږي او دوی نیسي.
نصرت اقبال پر خپله ایکس پاڼه لیکلي چې:«د مقاومت جبهې له لورې مالي مسؤلین د بسم الله ورونه دي او هغوی په هیڅ صورت پوره پیسې نه ورکوي او په سل روپیو کې هم خپله برخه پيسې وهي»، چې همدا پیسې پټونه د دې لامل شوې، چې د شر او فساد ډله یې د محوه کېدو پر لور روانه کړې ده.
دا هغه څه دي، چې اقبال یې د میډیا پر مخ نشروي او د دوی د ژورو اختلافاتو هغه وروستی اړخ یې هم را وویست، چې د پټولو لپاره یې شر او فساد ډلو خپل ټول کوښښونه وکړل.
له دې څو ورځې وړاندې یونس قانوني د پیسو پر سر د حکمت کرزي سره د ګفتمان ملي په نوم په جوړ شوي کنفرانس کې د شوری هیڅ غړي ته د ګډون اجازه ورنکړه، ځکه چې حکمت کرزي یونس قانوني له برطانیې څخه په اخیستل شوې پروژه کې نه شریکوه، خو دوستم له قانوني پټ خپل یو نفر یاد کنفرانس ته ورلېږلی وو.
همدا ډول د دوستم او احمد مسعود هغه محرم کلیپونه او اسناد هم میډیا ته راووتل، چې احمد مسعود پکې د دوستم د وژلو هڅې او هاندونه کړي وو.
داسې ښکاري چې د شر او فساد ډلې څخه رب تعالی د هغو مظلومو افغانانو انتقام اخلي، چې د رقص مرده په نامه یې په تنو رشخندونه وهلي وو، یا د هغو هېوادوالو چې په ژوندوني یې په سرونو میخونه ورټک وهل شوي وو.
لرې نه ده، چې د شر او فساد ډله د نړۍ له مخ هم داسې محوه او ورکه شي، لکه الله تعالی چې د افغانستان له پاکې خاورې ورکه کړه.
یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.
