د طوفانالأقصی جګړې نه یواځې د صهیونیستانو اصلي څهره ښکاره کړه؛ بلکې د ډېرو بنسټونو، ادارو او واکمنانو نقاب یې هم لرې کړ او د هغوی حقیقت یې ټولو ته څرګند کړ.
د صهیونیستي رژیم له خوا په غزه کې د زرګونو بېګناه مسلمانانو د قتلعام او وحشیانه بریدونو وروسته، بشري ټولنه دوه برخو ته ووېشل شوه؛ یوې ډلې د فلسطین او حماس ملاتړ وکړ او بلې ډلې د انسانیت نقاب لرې کړ او د صهیونیستي رژیم ملاتړ یې وکړ.
په دې لیکنه کې به د فلسطین په قضیه کې د شر او فساد ډلې دريځ ته لنډه کتنه وکړو، او وبه ګورو چې دا ډله د کفر او ایمان په دې جګړه کې د صهیونیزم په پلوي ولاړه ده، که لا هم د غزې خلکو ترڅنګ ولاړه ده؟
که یواځې د دې قضیې ظاهري اړخ ته وګورو او د شر و فساد ډلې اعلامیې وڅېړو، ښايي داسې انګېرنه وشي چې دا ډله د غزې له خلکو ملاتړ کوي.
خو که دې قضیې ته لږ ژوره پاملرنه وکړو، نو وبهوینو چې حقیقت بل څه دی، او د دې ډلې د ادعا او عمل ترمنځ ډېر زیات توپیر شته.
په تېرو نږدې وختونو کې، په یوه لیکنه کې چې سرلیک یې:«په بغاوت جبهه کې د صهیونیسم د پل نښې» و، موږ شواهد او اسناد وړاندې کړي وو چې د صهیونیستي رژیم او د شر و فساد ډلې ترمنځ نږدې اړیکې څرګندوي.
په دې لیکنه کې به هم یوه بله بېلګه یاده کړو چې څنګه د شر او فساد ډله/بغاوتګر د صهیونیستي رژیم ملاتړ کوي؟!
د امریکا په ټاکنو کې د ټرمپ بریا د بغاوتګرانو لپاره یوه لویه زړهخوښي کېدای شي؛ ځکه دوی هیله لري چې د امریکا نوی ولسمشر به د دوی ملاتړ وکړي او هغوی به خپل غلامان ومني.
د امریکا د ټاکنو د پایلو له اعلان وروسته، د بغاوت جبهې/شر او فساد ډلو ویاندویانو خپلې ټولې هڅې وکړې چې د ټرمپ پام ځان ته راواړوي او د هغه ملاتړ ترلاسه کړي.
د همدې لپاره، د ټرمپ د نوې ادارې لپاره د وزیرانو او غړو د ټاکلو هر اقدام یې ستایلی او خوشحالي یې څرګنده کړې ده.
په دې وروستیو کې، د شر او فساد ډلې ویاند علي میثم نظري، په خپل ایکس پاڼه کې «مارکو روبیو» ته د امریکا د بهرنیو چارو د وزیر په توګه ټاکنه مبارکي ورکړې او هغه یې «د افغانستان ثابت قدمه متحد» او «متعهد او اصولپال رهبر» ګڼلی دی.
دا څرګندونې او د شر و فساد ډلې خوشحالي د «مارکو روبیو» د ټاکلو په اړه په داسې حال کې ده چې د امریکا وګړي او حتی د نورو هېوادونو خلک د دې ټاکنې سره مخالف دي.
هغه مسلمان مشران چې د «جو بایډن» لخوا د صهیونیستي رژیم ملاتړ ته د اعتراض په توګه د ۲۰۲۴ کال په ټاکنو کې ټرمپ ته رایه ورکړه، د «روبیو» د ټاکنې پر وړاندې خپل ناخوښي څرګنده کړې او ویلي یې دي چې د ټرمپ دا اقدام هغوی ناهیلي کړي دي.
خو ولې د فلسطین ملاتړي او د غزې خلک د «روبیو» د ټاکنې مخالف دي؟
حقیقت دا دی چې «مارکو روبیو» د صهیونیستي رژیم له سختو ملاتړو څخه دی او څو ځله یې اعلان کړی چې د غزې په جګړه کې له اوربند څخه ملاتړ نه کوي او د حماس د ټولو عناصرو د بشپړ لهمنځه وړلو غوښتونکی دی.
روبیو په یوه ویډیو کې چې په دې وروستیو کې خپره شوې ده، د یوه خبریال پوښتنې ته په ځواب کې، چې ایا د اوربند غوښتونکی یاست؟ ویلي، برعکس، دی د حماس د ټولو عناصرو له نابودۍ ملاتړ کوي.
دغه راز، هغه د فلسطین خلک او د حماس مجاهدین «وحشي حیوانات» بللي دي.
اوس پوښتنه دا ده چې د شر و فساد ډلې مشران څنګه ځانونه د غزې ملاتړي ګڼي، په داسې حال کې چې نه یواځې د صهیونیستي رژیم ملاتړ کوي، بلکې د دې رژیم له ملاتړو سره هم ښکاره ملاتړ کوي او خپل شخصي ګټې آن د خپلو باورونو او عقایدو څخه ورته مهمې دي.
خپلو شومو اهدافو ته رسېدلو لپاره، هغوی ان دې ته حاضر دي چې د انساني اصولو څخه هم واوړي.
یادونه: د هندوکشغږ لیکنې، مقالې او نظریات یواځې د لیکوالانو خپل نظر څرګندوي، او د هندوکشغږ توافق ورسره شرط نه دی.
