د شر او فساد لارویان له حیرانۍ او سخت رواني فشار سره مخ دي؛ پلویان یې چې هرې خوا ته سترګې غړوي، مشکوکې څهرې، مشکوکې مکالمې او مشکوک سیاستونه یې مخې ته تېریږي.
له احمد مسعود څخه د امر الله صالح، ایوب سالنګي او ظاهر اغبر جلا کېدل، د احمد مسعود پر جبهه ګڼ شکونه پیدا کړې او پلویانو ته یې د دغه ډلې له منځه د ژور اختلاف ټکي څرګند شول.
د شر او فساد ډلې په منځ کې د انشعاب خورا سترې نمونې په ډېر لږ وخت کې تر سترګو شوې دي، دا هم یو ښکاره واقعیت ګرځېدلی، چې شر او فساد ډله د جنګیالیو پر سر پیسې اخلي او په غرب کې پرې د شخصي ژوند امکانات برابروي.
څه موده وړاندې د شر او فساد ډلې د یو جنګیالي عبدالرحمن اندرابي د چیغو او فریادونو کلیپ رسنیز شو، چې ویل یې؛ “موږ د هندوکش په لوړو څنډو کې له لوږې مرو او زما ځوان زوی هم زما په غېږ کې ساه ورکړه، مګر د جبهې هیڅ یوه مشر زما چیغو ته غوږ کېنښود”.
د شر او فساد ډلې مشران خپله په اروپا او غرب کې مستریح ژوند لري، خو د نورو زامن بیا د مرګ خولې ته ورکوي. د دې خبرې په تائید د بلخ پخواني والي عطا محمد نور په یو تازه پیغام کې ویلي، چې دئ د مقاومت په نوم د خیالي او فیسبوکي نمایشونو ملګری نه دی. هغه زیاته کړې؛ موږ د اروپا په ښارونو کې تودې قهوې څښو او د خلکو زامن د مرګ خولې ته ورکوو، هغه څه چې زموږ له لاسه نه وي پوره نو پردي زامن هم باید په چا ونه وژنو.
خیالي جبهې د اعتراضونو او بې اتفاقیو په ډنډ کې را ګیر شوې دي، د عیسی محمدي او عبدالستار حسیني د محرمو مکالمو له افشاء کېدو وروسته، ددوی تر منځ ژور اختلافات لا زیات څرګند شول. دا د دوی تر منځ د اختلافاتو یو څنډه وه؛ دغه ډلې له خیالي لیکو په ورځني ډول ډیری افراد جلا کېږي او له هر اړخیز ملاتړ یې لاس اخلي.
د شر او فساد دغه ژور اختلافات به د بغاوتګرو شته خیالي تشکیلات هم له تشې سره مخ کړي او د بغاوتګرو صف به په خپله وپاشل شي.
یادؤنه: په هندوکش غږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکش غږ توافق ورسره شرط نه دی.
