ورځ او نېټه: يکشنبه ۱۴۴۶/۵/۲۹ ھ ق.
- [ ] افغانستان:
۱_پر مسلکي زدهکړو سمبال سلګونه پولیس ټولنې ته د خدمت په موخه وړاندې شوي.
۲_د هېواد په لویو لارو کې بېړني روغتیايي مرکزونه جوړېږي.
۳_ترکیې ته د صنعت او سوداګرۍ د وزير د سفر دوام؛ د ياد هېواد د بهرنيو اقتصادي اړيکو شورا له غړو سره یې کتلي.
۴_د افغانستان او قطر ترمنځ د دوه اړخیزو اړیکو پراختیا؛ قطر ته د افغان کارګرو د لېږد په اړه خبرې شوي.
۵_د افغان او ترکي سوداګرو ترمینځ ګډه سوداګریزه ناسته جوړه شوه.
۶_لوګر کې د افغانستان او چین ترمنځ ګډ بازار جوړېږي.
۷_د کاپيسا د باغدرې بند د امکان سنجۍ جيوفزيک او جيو تخنيک مطالعاتو تړون لاسليک شو.
۸_سنډې ګارډین: نوی ډیلی په چټکۍ له کابل سره د اړیکو د پراختیا پر لور ګامونه اخلي.
- [ ] نړۍ:
۱_د برېکس سازمان غړو هېوادونو ته د ټرمپ خبرداری؛ د ډالرو پر وړاندې بل پولي واحد مه جوړوئ.
۲_د تحرير الشام مشر جولاني: له موږ سره د دمشق په نيولو کې ملګري شئ.
۳_د سوریې څلورم لوی ښار حماة د تحرير الشام په منګولو کې؛ د بشارالاسد عسکر په تېښته دي.
۴_افريقا کې د روسیې پر واګنر پوځ القاعده غورځنګ بريد ترسره کړی.
۵_ د سوریې له خان شیخون سیمې روسي ځواکونو شاتګ کړی؛ په ټولنيزو رسنيو کې په خپرې شوي ویډیو کې ښکاري چې له روسي ځواکونو څخه پاتې شوی یو پوځي موټر ښودل کېږي.
۶_د سوریې په حلب ښار کې روسانو پراخه بمباري کړې چې په پايله کې یې لسګونه عامو وګړو ته مرګ ژوبله اوښتې.
۷_د التحرير الشام ځواکونو د حماة سره نږدې د مورک ښار هم په خپل کنترول کې راوستلی او نيولی یې دی.
۸_د سوريې په دمشق ښار کې د سوريې د لوی درستيز د دفتر تر څنګ ډزې شوې دي؛ خو تر دې دمه د دې ډزو لامل نه دی معلوم شوی.
۹_د روسيې امنیتي ځواکونو تېره شپه په مسکو کې په يو نايټ کلب باندې چاپه اچولې او په سلګونو همجنس بازان يې نيولي دي.
۱۰_په دې وروستیو کې د تحریرالشام ځواکونو له بشارالاسد رژیم څخه پراخې سيمي نیولې دي او مختلف النوع موټر او اسلحې یې ترې نیولې دي.
۱۱_د سوریې په يوه بل مهم او ستراتيژيک ښار «تل رفعت» کې د تحرير الشام ځواکونو او د بشار الاسد د رژيم تر منځ سخته جګړه روانه ده.
۱۲_د سوریې د ادلب ښار په خمارة سیمه کې د بشارالاسد رژیم هوايي بریدونه کړي، په دغو بریدونو کې د ښځو او ماشومانو په ګډون ګڼ شمېر ملکي وګړي شهیدان شوي دي.
۱۳_سوریه کې د تحریرالشام ځواکونو خپلو پرمختګونو ته دوام ورکړی او د بشارالاسد د رژیم له وسلهوالو څخه یې ګڼ شمېر مهمې سیمې نیولي دي.
۱۴_د تحریرالشام وسلهوال ځواکونه له پرلهپسې جګړې وروسته په دې وتوانېدل چې د سوریې بل مهم او ستراتیژیک ښار «تل رفعت» هم په بشپړه توګه تر خپلې ولکې لاندې راولي.
۱۵_د تحریر الشام ځواکونه د «تل رفعت» ستراتیژیک ښار د نيولو په خوشحالۍ کې ډزې کوي.
۱۶_د تحرير الشام له لوري په نيول شوي حلب ښار روسيې تازه بمبارد کړی او ويل کېږي تحرير الشام سرتيري يې په نښه کړي.
پاملرنه: د پورته خبرونو د تفصیل کتلو لپاره د هندوکشغږ د خبرونو څانګې ته مراجعه وکړئ.
