د بلخ ولایت امنیه قومندانۍ مطبوعاتي دفتر وايي، چې د جنايي جرمونو پر وړاندې د مبارزې مدیریت منسوبينو د یو لړ کشفي عملیاتو په ترڅ کې په مزارشریف ښار کې د جعلکارانو یوه شپږ کسیزه ډله نیولې ده.
د معلوماتو له مخې یادې ډلې جعلي لاسي ساعتونه د مشهورو برانډونو په نوم پر خلکو پلورل چې د امنیتي ځواکونو له خوا مشخص او ونیول شول.
سرچينې ويلي، نیول شویو کسانو به لومړی ساعتونه د ښار له دوکانونو څخه په ارزانه بیه اخیستل، بیا به یې ورته جعلي بېلونه یا اسناد جوړول او وروسته به یې پر خلکو په لوړه بیه پلورل.