رویټرز راپور ورکړی، چې د امریکا واشنګټن ایالت په یوه ځنګلي سیمه کې د دغه هېواد یوه «اېف-۱۸» جنګي لوېدلې ده.
ویل شوي، د الوتکې پیلوټ د فراشوټ په مرسته ځان له الوتکې ایستلی او ژغورل شوی دی.
په راپور کې راغلي، چې د الوتکې تر لویدو وروسته ځنګل اور اخیستی او دا مهال د اور وژنې ډلې د اور د مهارولو هڅې کوي.
د معلوماتو له مخې، دا په تېر شاوخوا یو کال کې اوومه «اېف-۱۸» جنګي الوتکه ده، چې د امریکا پوځ یې له لاسه ورکوي.