د پاکستاني حکومت له لورې د افغانستان د پکتیکا په برمل کې د شپې د بې ګناه ماشومانو له بمباردولو او بیرته د افغان امنیتي ځواکونو د ځوابي برید وروسته پاکستاني استخباراتو (آی ایس آی) د افغانستان اړوند د کاذبو تبليغاتو لپاره بودیجه ځانګړې کړه، چې لومړی یې د افغان خویندو د تعلیم اړوند کنفرانس دایر کړ، تر څو د افغانستان اړوند د منفي تبلیغاتو لپاره سوژه برابره کړي.
خو تر شاه یې یواځې همدا هدف نه دی، پاکستان چې د کمر په ژۍ ولاړ دی او کابو سقوط ته ور نږدې دی، غواړي چې د ځان ساتلو لپاره هر لور ته لاسونه واچوي. پاکستاني فوځ او استخباراتو د کشمیر د خرڅولو موضوع د پټولو په خاطر کله د واخان د نیولو موضوع را پورته کوي او کله دغسې کنفرانسونه دایروي، تر څو د پاکستاني ولس فکر دېخوا را واړوي او د کشمیر د خرڅولو موضوع پټه کړي.
ټاکل شوې نن دوشنبه د هند لومړی وزیر نریندرا مودي کشمیر ته سفر وکړي، چې همدا مهال پاکستاني لوري د یو څو کرایه شویو خلکو کنفرانس دایر کړی دی.
ياد کنفرانس د پاکستان له لورې د افغان خویندو د تعلیم لپاره داسې مهال جوړېږي، چې پاکستان کې د سلګونه زره نجونو عزت سرعام لوټېږي او ماليه یې د پاکستان د حکومت اکونټ ته داخلېږي، جالبه یې لا دا چې له هماغو پیسو بیا د افغان خویندو د تعلیم لپاره سمینارونه دایروي.
په یاد سمینار کې هغه خلک میلمانه کوي، چې دواړه له یوه اخور څربه کېږي، دوی د هغې مظلومې غزې په اړه چې ماشومان او ښځې پکې د بمونو په لمبو وریتېږي د جواز حکم ورکوي، کوم یې چې خلاف دي، ولې د هغوی لپاره داسې کنفرانسونه نه جوړوي؟
پاکستان که د افغان خویندو د تعلیم له غمه رښتیا مړ وای، ولې یه یې د هغو افغان خویندو د جبري ویستلو امر کولو، چې همالته په پاکستان کې په تعلیم بوختې دي؟ ښکاره ده، چې د شیطان بنده ګان د شیطاني لارو د تطبیق لپاره هڅې او هاندونه کوي. دوی د بیت المقدس په منارو ننګ نه کوي او نه د هغې عافیه صدیقي وجود یې وجدانونه لړزوي چې د څو ډالرو په مقابل کې یې په امریکا خرڅه کړې ده.
پاکستان دې د افغان خویندو د تعلیم کوښښ نه کوي، بلکې خپلې تعلیم یافته نجونې دې په چین، امریکا او نور هېوادونو د ډالرو لپاره نه پلوري او نه دې یې په سرعام چوکونو کې عزتونه لوټي، همدا به بسنه وکړي، چې پاکستان د خپلو تعلیم یافته نجونو ساتنه وکړي.