د سوریې د انتقالي حکومت مشر احمد الشرع د سوریې له يوه ټلويزيون سره په خپلو تازه څرګندونو کې ویلي، چې له اسرائیل سره له جګړې کولو نه وېرېږي؛ خو د سوریې د ولس ګټې او د سولې خوندیتوب غوره ګڼي.
نوموړي ټینګار وکړ، چې د جګړې او داخلي اصلاحاتو ترمنځ یې د نورو ویجاړیو د مخنیوي لپاره د اصلاحاتو لاره غوره کړې ده.
ښاغلي الشرع همدا راز اسرائيلو ته په خطاب کې ويلي «لوی قوت لرل تل د بریا معنا نه لري، لکه څرنګه چې په یوه میدان کې بریالي کېدل، تل د بل میدان د ګټلو ضامن نه وي تاسې ښايي د جګړې پیلولو توان ولرئ، خو د هغې پایلې کنټرولول بیا اسانه نه دی.»