تسینم اژانس راپور ورکړی، چې د ايران د سپاه پاسداران له لوري د صهیونیستي رژیم پر ضد د تېرې شپې په عملیاتو کې د «خیبرشکن» توغندي کارول شوي.
د معلوماتو له مخې خیبرشکن توغندی د سپاه د لرې واټن ویشتونکو توغندیو د درېیم نسل له ډلې څخه دی، چې ۱۴۵۰ کیلومتره واټن وهي، ۴۵۰۰ کیلوګرامه وزن او ۱۰ متره اوږدوالی لري.
دغه توغندی د هدف پر لور د ښکته کېدو په وروستي پړاو کې خپل مسیر بدلولی شي، چې له امله یې د دښمن د توغندیو ضد دفاعي سیستمونو لپاره شنډول سختېږي.