عربي پوسټ د الجزیرې عربي څانګې راپور ورکړی، چې د ایران پر وړاندې د جګړې په پیل کې د متحده عربي امارات جګپوړو امنیتي چارواکو یو پلاوي په پټه اسرائيل ته سفر کړی او هلته یې د دغه هېواد له امنیتي مشرانو سره پر امنیتي همغږۍ خبرې کړې دي.
که څه هم د اماراتي پلاوي غړو هویت نه دی افشا شوی، خو راپورونه ښيي چې هغوی په یوه ځانګړې “بوينګ ۷۳۷” الوتکه کې تللي وو چې معمولا د اماراتو واکمنې کورنۍ جګپوړو غړو لخوا کارول کيږي، چې دا په خپله د دغه سفر کچې او اهمیت لوړوالی ښيي.