راپورونه وایي، اوکراین د روسیې پر پلازمېنې مسکو او یو شمېر نورو ښارونو د ۵۵۰ ډرون الوتکو پر مټ پراخ بریدونه کړي دي.
د معلوماتو له مخې، په دغو بریدونو کې درې کسان وژل شوي او لږ تر لږه ۱۷ نور ټپیان شوي دي.
ویل شوي، چې د دغو بریدونو له امله د روسیې د تېلو په یوه چاڼځای کې اور لګېدنه هم رامنځته شوې ده.
بلخوا، روسیې د اوکراین ډرون بریدونو ته په ځواب کې د دغه هېواد پر بېلابېلو ښارونو ۲۸۷ ډرون الوتکې توغولې دي.