مهر خبري اژانس د کاتو انسټیټیوټ د یوه امریکايي څېړونکي، ډاګ بانډو، په حواله راپور ورکړی، چې د ایران جګړې د امریکا د ولسمشر ډونالډ ټرمپ او د اسرائیلو د لومړي وزیر بنیامین نتانیاهو ترمنځ احتمالي ترینګلتیاوې یې رابرسېره کړې دي.
د بانډو په وینا، ټرمپ ښايي احساس کړې وي، چې نتنیاهو یې غولولی او د جګړې د چټکې بریا ژمنې یې نه دي پوره کړي. نوموړی وايي، د جګړې دوام او د پوځي او سیاسي لګښتونو زیاتېدل ښايي ټرمپ دې ته اړ کړي چې له بحران څخه د ژر وتلو لاره ولټوي.
دغه امریکايي شنونکی زیاتوي، د دواړو مشرانو اړیکې تر ډېره د سیاسي محاسبو پر بنسټ دي، نه پر شخصي وفادارۍ.