والسټریټ ژورنال په یوه تحلیلي راپور کې ویلي، چې امریکا په منځني ختیځ کې د خپل پوځي حضور د بیا تنظیمولو پر طرحې کار کوي او دا احتمال ارزوي چې د خلیج له ځینو هېوادونو څخه خپلې یو شمېر پوځي هډې اسرائیل (اشغال شوي فلسطین) ته ولېږدوي.
راپور زیاتوي، د سپوږمکۍ انځورونه ښيي چې په بحرین کې د امریکا د تر ټولو مهمې سمندري پوځې هډې د قومندې ودانۍ، راداري سېسټمونه او پوځي تأسیسات په شدت زیانمن شوي دي.
والسټرېټ ژورنال ویلي، د دغې پوځي هډې د بیارغونې لګښت شاوخوا ۴۰۰ میلیونه ډالره اټکل شوی دی.
یاد ژورنال دا هم لیکلي، چې امریکا د بحرین د خپلې پوځي اډې د بیارغونې تر څنګ په کوېټ او سعودي عربستان کې د خپل پوځي حضور د کمولو امکان هم ارزوي.