د اذربایجان او قرغزستان د کانونو وزارتونو پخوانیو مرستیالانو ارزشکوروف او الماس بیک تومانوف د افغانستان د کانونو او پټرولیم سرپرست وزیر ملا هدايت الله بدري سره کتلي دي.
د کانونو او پټروليم وزارت د خبرپاڼې له له مخې، په دې کتنه کې د دواړو هېوادونو استازو په افغانستان کې د پانګونې فرصتونه مناسب ګڼلي دي.
سرچينه زياتوي چې، د دواړو هېوادونو استازو د افغانستان د کانونو او په ځانګړي ډول د تېلو او ګازو برخه کې د پانګونې ترڅنګ د یو معیاري لابراتوار د جوړولو ژمنه کړې.
