د صنعت او سوداګرۍ وزارت وایي، افغانستان تېر کال شاوخوا ۲۹۰ زره ټنه تازه مېوه بهرنیو هېوادونو ته صادره کړې ده.
د یاد وزارت د معلوماتو له مخې، د دغو صادراتو ارزښت ۱۴۱ میلیونه امریکایي ډالرو ته رسېږي چې هند، قطر، عربي اماراتو، منځنۍ اسیا، روسیې او اروپا ته لېږدول شوې ده.
د معلوماتو له مخې، مڼې د ۴۴ میلیونه ډالرو په ارزښت د تازه مېوو د صادراتو په سر کې دي، ورپسې انګور او انار ځای لري.
سوداګر وایي، د پاکستان پر ځای اوس افغان مېوې نورو نړۍوالو بازارونو ته صادرېږي.
هرات کې هم چارواکي وایي، چې د روان کال په لومړیو درېیو میاشتو کې له دغه ولایت څخه ۵۳ زره ټنه توکي بهر ته صادر شوي دي.