د نړيوالو رسنيو د راپورونو له مخې، د امریکا حکومت په منځني ختیځ کې مېشتو خپلو اتباعو ته له دغو هېوادونو څخه د ژر تر ژره وتلو جدي سپارښتنه کړې.
د معلوماتو له مخې په دې هېوادونو کې کوېټ، مصر، بحرین، سعودي عربستان، قطر، اردن او متحده عربي امارات شامل دي.
د امريکا د بهرنيو چارو وزارت په اعلامیه کې له خپلو اتباعو غوښتل شوي، چې د سیمې د روانو ترینګلتیاوو له امله دې د وتلو په اړه غور وکړي او یا دې د بېړني حالت لپاره د وتلو چمتووالی ولري.