د افغان حکومت مرستیال ویاند، حمدالله فطرت، ویلي چې د مهاجرینو ستونزو ته د رسېدنې عالي کمېسیون د دارالانشاء د راپور له مخې، د جمعې په ورځ د تورخم، سپین بولدک او اسلامکلا له لارو ټولټال ۴۱۸ کورنۍ راستنې شوي او ثبت شوي دي، چې ۲۱۶۳ تنه کېږي.
د راپور له مخې، ۵۴۴ کورنۍ چې ۲۹۵۶ غړي یې لرل، خپلو اړوندو ولایتونو ته لېږدول شوي، له ۵۳۹ کورنیو سره نغدي مرستې ترسره شوي او ۴۱۳ سیمکارټونه هم پر راستنېدونکو مهاجرینو وېشل شوي دي.
فطرت زیاته کړې چې د ثبت، لېږد، مالي مرستو، روغتیايي خدمتونو او عامه پوهاوي ترڅنګ، راستنېدونکو ته نور اړین خدمات هم وړاندې شوي دي.