په کابل کې د ایران سفارت خبر ورکړی د، چې د يوه سفارت په کوربتوب جوړه شوې اقتصادي غونډه کې د افغانستان او ایران له ۲۰۰ څخه ډېرو سوداګرو، صنعتکارانو او پانګوالو ګډون کړی و.
د معلوماتو له مخې، په دې غونډه کې د دواړو هېوادونو ترمنځ د اقتصادي او سوداګریزو همکاریو د پراختیا پر لارو چارو بحث او د نظرونو تبادله شوې ده.
د ایران سفارت ويلي، چې د افغانستان او ایران اقتصادي فعالانو د ودانیزو صنعتونو، درمل جوړونې، لابراتواري تجهیزاتو، خوراکي صنعتونو، بټرۍ جوړونې او همدارنګه د تخنیکي او انجنیرۍ خدمتونو په برخو کې تخصصي لیدنې او خبرې اترې ترسره کړې.
یاده غونډه د افغانستان او ایران د خصوصي سکټورونو ترمنځ د همکاریو د پیاوړتیا په موخه جوړه شوې وه او په پای کې د دواړو هېوادونو د شرکتونو ترمنځ درې هوکړهلیکونه هم لاسلیک شول.