د اوبو او انرژۍ وزارت په یوه خبرپاڼه کې ویلي، چې د یاد وزارت وزیر ملا محمد یونس آخندزاده د ایران د انرژۍ له وزیر عباس عليآبادي او مل پلاوي سره لیدلي او د دواړو هېوادونو ترمنځ د اوبو او انرژۍ په برخو کې د همکاریو پر پراختیا یې خبرې کړې دي.
خبرپاڼه زیاتوي، چې د دواړو هېوادونو د اوبو او انرژۍ معینانو، د دولتي شرکتونو او اړوندو ادارو یو شمېر رئیسانو هم ګډون درلود، د یو بل له مثبتو تجربو د استفادې او په افغانستان کې د انرژۍ د تولید، انتقال او وېش په برخه کې د پانګونې پر شته فرصتونو هم رغنده بحثونه شوي دي.
د خبرپاڼې د معلوماتو له مخې، د ایران د انرژۍ وزیر عباس عليآبادي د اوبو او انرژۍ وزیر ملا محمد یونس آخندزاده ته ایران ته د سفر رسمي بلنه ورکړې، ترڅو د دغه هېواد د اوبو او انرژۍ له سکتور څخه لیدنه وکړي.