د افغانستان نفت او ګاز شرکت وايي، د بازار د ثبات او د خلکو د اړتیاوو د پوره کولو په موخه یې په یو شمېر ولایتونو کې د اوبلن ګاز عرضه په مناسبو بیو روانه ساتلې ده.
د یاد شرکت د معلوماتو له مخې، اوس مهال په کابل او پروان کې یو کیلو اوبلن ګاز په ۶۶ افغانۍ، په بدخشان کې په ۶۷ افغانۍ، په بلخ کې په ۶۴ افغانۍ او په هرات کې په ۶۰ افغانۍ د شرکت له اړوندو پلورنځیو څخه پلورل کېږي.
شرکت ټینګار کړی چې د اوبلن ګاز منظم عرضه، د بیو ثبات او خلکو ته د باکیفیته خدمتونو وړاندې کول یې له مهمو لومړیتوبونو څخه دي او هڅه کوي چې د هېواد په بېلابېلو سیمو کې د خلکو اړتیاوې پر وخت پوره کړي.