ایسنا خبري اژانس راپور ورکړی، چې د ایران د بهرنیو چارو وزیر عباس عراقچي په بحرین کې د امریکا د سمندري ځواکونو تأسیساتو ته د پراخو زیانونو په اړه د یوه امریکايي چارواکي اعتراف ته غبرګون ښودلی او ویلي یې دي چې امریکايي ولس باید د اسرائیلو د جګړو بیه ورنهکړي.
راپور زیاتوي، چې د امریکا د سمندري ځواکونو سرپرست هانګ کاؤ ویلي، ایراني ځواکونو په بحرین کې د امریکا پوځي تأسیسات سخت زیانمن کړي دي. عراقچي د نوموړي څرګندونې ستایلې او ادعا یې کړې چې د ایران ځواکونو د امریکا د پنځمې بیړۍ مرکز او نور ملاتړ کوونکي پوځي مرکزونه سخت زیانمن کړي دي.
کاؤ ویلي، د دغو زیانونو له امله د «یوایسایس ابراهام لینکن» د الوتکو وړونکې بېړۍ اړوند عملیات هم اغېزمن شوي او د دې بېړۍ عملې ته د تم کېدو لپاره د ځای ستونزه رامنځته شوې ده.