کورنيو چارو وزارت وايي، چې د دې وزارت وزير خليفه سراج الدين حقاني د قزاقستان د لومړي وزیر مرستیال او د اقتصاد وزیر سیریک ژومان ګارین سره، چې د یوه لوړپوړي پلاوي په مشرۍ کابل ته په رسمي سفر راغلی و، ليدنه ترسره کړې ده.
سرچينې ويلي، په دې کتنه کې پر امنیتي وضعیت، د مخدره موادو پر وړاندې د ګډې مبارزې، ټرانزیټ او ټیکنالوژۍ تر څنګ د سیاسي، اقتصادي اړیکو پر پراختیا او سیمهییزو همکاریو په اړه خبرې شوي.
دواړو لورو ټینګار کړی، چې دا مهال په افغانستان کې د تجارت پراختیا او پانګونې لپاره مناسب چاپېریال رامنځ ته شوی دی او باید د دواړو ملتونو د پرمختګ په موخه ترې استفاده وشي.